ميحد حمد: يافكري المحموم مااضيق مجالك ما هز بك مطرب ولا عازف الناي سريت مع همك و في ليل حالك والهم غطاني من قصاي لقصاي
راشد الماجد:
ضاقت بعيني واسعات المسالك يوم اندمج حبي بطيبت نواياي جرحت قلب((ن)) بلمحبه سعالك يوم اعتبرتك كل كوني ودنياي
عبد المجيد عبدالله:
مثلتله حبك وبلحب جالك وقوللك آمر على الروح مولاي قدمت روحي في المتاعب بدالك اطلب رضا نفسك ولا همك ارضاي
ميحد حمد:صحيح انك آية في جمالك وان بعيونك دائي يازين ودواي واني حبيبي مااتعوض بدالك لنك هوى بالي وشفي ومدواي
راشد الماجد:انا رفعتك لين غرك دلالك وجرحتني جرح بخفى الروح مخفاي اصد صدمات الزمن لاتنالك وانته بصمتك تشعل النار في حشاي
عبد المجيد عبدالله:
اشعل شموعك واترجى وصالك واتخيلك من وين مااصد وياك نضحك واشرح شوق قلب((ن))صفالك واحس بك في ليلي المعتم اضياي
ميحد حمد:فجأه ولني ساهر مع خيالك او كن شخصك خارج من حناياي هل كيف تنسى في الهوى ما مضالك يالين صرت اليوم في البعد منساي
راشد الماجد:اصيد وفك بيديني حبالك ولعب بشخصك لعبة الطفل في الماي لاصرت تنوي الهجر ولا طرالك نذر علي اجنبك وبعد خطاي
عبد المجيد عبدالله:
ماكان ودي غير يااحمد شحالك او اي كلمه غيرها ما عدا " باي " اقفيت وعيوني تخيل زوالك وكلمة وداع الله نامت على شفاي
الصفحة الرئيسية