By:Kuwait4ever
|
created:Apr 1st 2006, 13:12
|
hits:2,540
لي صاحب خذني بزينه
عن كل مزيون ورعبوب
روحي غدت نظرة رهينة
والقلب من نظراته يذوب
غض يعيش أول سنينه
ومن الدلع له طبع واسلوب
خطر علي ان شفته عينه
من نور حسنه لأمزع ثوبه
الشمس في طلعة جبينه
والليل وسط العين مسكوب
والخد ينفح يا سمينه
مثل الشفق في حزة غروب
عود شرات الموز لينه
بارع ورويان ومسلوب
تكسيه الأوصاف الحسينه
ومن المعاني لابس ثوب
قلبي معاه ربي يعينه
عليه صابر صبر أيوب
مجبور يتحمل ضنينه
لو هو غدا بالحب مشغوب
___________
