By:Kuwait4ever
|
created:Apr 15th 2006, 07:21
|
hits:2,029
تخطي علي و أستسمحك واترجّاك
ضعفي هواك و فطنتك ما تخونك
المشكله إنّي كل ما جيت أبنساك
فكرت نفسي كيف ترتاح دونك
و ما ظنّي لا هذا و لا ذا و لا ذاك
و اللي سمعت بذكره يعوضونك
تدري إني أعشق فيك شامل سجاياك
زينك و شينك في قساك و ليونك
و إني متيم في محاسن محيّاك
و تعرف علي وشلون سلطة عيونك
ردّيت قلبي عنك لا شك هو جاك
و جيتك معه راضي بمقبل طعونك
و أرجع و أقول أهواك و أهواك و أهواك
و بكيفك إتعذب و لكن بهونك
