By:jiji
|
created:Sep 9th 2005, 09:40
|
hits:1,410
لوين يا مروان ؟ ع مهلك
ع مين تارك أرضك وأهلك
سنتين صرلي شايفك حيران
ماكنت كلمة لوم وجهلك
كنت قول بعدو ولد جهلان
حلك يا أبني تفيق من جهلك
توعّى توعّى شويّ يا مروان
خلّيك مع أهلك ولا تهلك
يا ابني
لبست قميصا الأخضر التلا ّت
والسما والأرض موجة نور
قوم يا ابني اشتاقت الكرمات
للميجانا ولهيصة المعدور
واشتاقت الرزقات للعجقات
خللي الصّخور تصير مرج زهور
وتلّة الوادي غنجة النايات
منجيرة الراعي وعيطة الناطور
يا ابني
هالأرض منّا ودمّنا منها
وغلا ّتها وخيراتها منّا
أيماننا بالحب كونها لمّا إله الخير كونّنا
الحبّ صورة مصغّرة عنّا
والعزم صورة مصغّرة عنّا
شفافك ع بسمة حبّ مرّنها
متل ما نحنا تمرنّنا يا ابني
ان طلعت الصخرة بوجّك اطحنها
ولقمة العمر بأيدك اعجنها
واعطي الأرض ولا تمنّنها
بتضحكلك وبتقلك اتمنّى
من الأرض نحنا والأرض منّا
