By:غيور الدوحة
|
created:Feb 19th 2007, 14:00
|
hits:626
أبي شورك دخيل الله يا بو خالد
ترى هالدنيا ضاقت بي وأنا مليت
بلاني حب من خلاّ الفكر شارد
زعل مني وإذا مارد لي جنيت
على هونك وقول أشفيك يا راشد
عيوني لك وعنْك عيوني ما رديت
صديقك عدّني أو حسبة الوالد
من اللي صد عنّك وأنت ما صديت
أنا حبيته والله عالم وشاهد
ويمكن دون ما أقصد عليه أخطيت
تعذّرت وتعبت أقول مو قاصد
ولا عبرني ما تسوى علّي حبيت
إذا أخطيت أكيد إنّ الخطا وارد
وإذا صدّك لأنه يحبك وزليت
إهي فتره ومهما يروح ويباعد
بيرجع مثل ما يرجع حمام البيت
ياشين الوقت من دونه وأنا قاعد
ذبحني الشوق له من كثر ما حنيت
أنا الغلطان وما أنكر ولا أعاند
وأظن يكفيومني إني بغلطتي حسّيت
تزاعلتو ولو كان الزعل چايد
يضل ملح الهوى ويّا الذي أغليت
بدونه تشعر إن الحب شي بارد
وش أحلى من الزعل لو بعده إتراضيت
