By:DMX
|
created:Mar 21st 2005, 06:46
|
hits:5,059
إنتي مشيتي و بكيت الوردة
باب الهنا ضيعتي مفتاحو
إلا حنيني ما بقى عندي
كمشة أمل ع غيبتك راحو
عصفور عندي بالقفص بردان
معود عليكِ و كترت جراحو
مرقو صابيعك بوسوا القضبان
طق السجين و كتف جناحو
البعد قلبي ما حسب
و بكيت قدامك عتب
ما شفت بعيونك سبب
عن جد ييبعدني
و الدمع بعيوني وعي
حسيت راح قول ارجعي
غصيت ما طلعت معي
يا رب ساعدني
وقفت و ما بدي اوصف الوقفةِ
وقفة برئ بحكم اعدامو
من كل عمرو بعد في نتفةِ
صارت صابيعو تعد ايامو
صوتي غدرني قبل ما تقفي
قال ارجعي و الشوق في كلامو
قلبي اللي عمرو ما عرف ضعفي
ورقة خريف سقطي قدامو
ممنون صوتي اللي انجرح
ردك الي و قلبي انفتح
مديت ايدي للصلح
و بقيت ماددها
حدي وقفتي ملبكي
حسيت ع شفافك حكي
عم يختنق تحت البكي
يا رب ساعدها
