By:ملك^_^السمر
|
created:Mar 11th 2006, 05:44
|
hits:6,995
العمر ايام وايامي ثواني
عشت عمري كله بلذه عمرها
مابلاني غير ذاك اللي بلاني
قمت احسب ايامها وانسى شهرها
××××××××
غاليه تحسد مفاتنها الغواني
ثغرها صبح ولقا الليل بشعرها
عذبت في ثغرها كرب وثماني
جعل كل الحسن ندره عن ثغرها
××××××××
اختصرت بحسنها كل المعاني
واختصر كل الحسن ليله حضرها
عيشتني بالمحبه جو ثاني
جوها مايمطر على الدنيا مطرها
××××××××
قالت انت السهد قلت الليل جاني
والليالي كيف تصبر عن قمرها
قالت انت العمر والباقي ثواني
والثواني طولت كيف اختصرها
×××××××××
