By:YeloW
|
created:Jan 13th 2006, 09:41
|
hits:1,324
انا بليت بحبكم من هبالي *** والا انت ظل مالنا فيه مقيال
خيرك لغيري والشقا والعنا لي ***والمشكل اني عارف كل الاحوال
أرمي بروحي في بحرك الزلالي ***وتنسفني أمواجك على يابس الجال
اسأل فراشي كيف امضي الليالي***بالليل لي حال ومعكم لي أحوال
من خوفي الشمات تشمت بحالي ***ويكثر على من العدا القيل والقال
أنت السبب ولعتني ياغزالي***وفتحت لي دنيا جديدة بالامال
وابعدت خلاني وجيتك لحالي***وفرشت قلبي لك مقر ومدهال
ويوم أبعدن حبالهم عن حبالي***ودريته انك عندنا غالي المال
أبديت عقب الحب صافي الجفا لي***وخليتني محتار في أشهب اللال
نصيت رب عالم ماجرا لي***ماحط دون الخلق حاجب ومرسال
منحني السلوان منشي الخيالي***ورد الحياة لسايل ماطلب مال
وأبعد خيالك خالقي عن خيالي***وقصر علي الليل من عقب ماطال
واليوم ترسل لي وتبدي الوفالي***وتبدي لي أعذار قصيرات وطوال
تبي تجدد ما انقطع من وصالي***وتبدي من الفتنة لي ألوان وأشكال
تردني في حالي اللي مضى لي***ترضي غرورك بس ياحسن الاقبال
ماعاد تخدعني عقب مابدا لي***وان عدت فيما عفت مانيب رجال
اهداء لكل من طلبها
