By:Kuwait4ever
|
created:Apr 1st 2006, 13:10
|
hits:1,412
شيلي الطرحه عن الوجه السموح
نوري كل الوجود بطلتك
املكيني بالغلا عمر وروح
زلزليني لا رميتي طرحتك
خلي عيونك على احساسك يبوح
واضحكي مشتاق اسمع ضحكتك
يكفي اللي راح من هم ونوح
صارت الدنيا عذاب بغيبتك
بغيابك ليلي القاسي شحوح
وفي غيابك بس اناجي صورتك
آه يا بلسم حياتي والجروح
الجروح تطيب ساعة شوفتك
جيت لك وبقلبي الشوق الجموح
تايه النظرات ادور نظرتك
جيت لك عاني يسابقني طموح
فسلك قلبي وعيني ضمتك
جيت لك مشتاق واحساسي يبوح
لك عبير الشوق عانق وجنتك
طاحت أشواقي على كفك تنوح
ولهفة الأشواق ضمت لهفتك
______________
