By:Kuwait4ever
|
created:Apr 15th 2006, 07:19
|
hits:713
عذب رعاك الله يا سمح الأقبال
ربي على كف الغلا لك وضعني
إن رحت بثياب الجفا البيض تختال
رحب الفضا اللي واسع ٍ ما وسعني
غريب حب و شفت أنا منك الأهوال
هم ٍّ ينزلني و هم ٍّ رفعني
بعدك يضر الحال و يضيّق البال
و قربك أبد طول الدهر ما نفعني
أتبعك راحل يا حبيبي و نزّال
حب ٍّ يريّضني و حب ٍّ دفعني
معك إنت درب الصبر يا صاحبي طال
حظ ٍّ يقربني و حظ ٍّ منعني
راح العمر بين التصدد و الإقبال
و مدري وش اللي يا هوى البال تعني
طِب لي تطيب الحال يا طيّب الفال
و إلا تكرّم حب غيري و دعني
إمّا استدار الوقت من حال لي حال
و إلا شريتك كل ما قلت بعني
أسقيت من مر الصبر زهر الآمال
و الحظ بك يا صاحبي ما جمعني
ما والله أسمع فيك ناصح و عَذال
و أنا إن شكيت الحال محد ٍ سمعني
