By:jiji
|
created:Oct 7th 2005, 07:55
|
hits:710
ويش اخلي من جمالك ويش اشوف ان نظرت الوجه اذهلني القوام
وان نظرت الخد تذبحني الكفوف تاخذين العقل مافيها كلام
مايبي لي لا دليل ولا حلوف عطرك الريحان وانفاسك خزام
وليته اللي لامني مره يشوف لو نظر في وجنتك ينسى السلام
نظرتك توجع ورمشك مايروف ما كذبت ان قلت في عيونك سهام
وعودك الليّن من الرقه عطوف ليّن ماكأن في جسمك عظام
لا وصلتي توقف العالم صفوف من تجين تصير هالدنيا زحام
كلن يزاحم على الشوفه لهوف مايفكر في الكلام والملام
ميزك ربي على كل الالوف كنك القمره ومن حولك ظلام
لا جواهر لا العنود ولا الهنوف من نظر حسنك نسى طعم المنام
